वाहने चालवणाऱ्या अल्पवयीन मुलांसाठी आता पालक जबाबदार राहणार असून पोलिस आता पालकांविरोधात तक्रार दाखल करणार आहेत. सिंहगड रोड पोलिस ठाण्यातही अशा तक्रारी दाखल झाल्या आहेत. वाहने चालवणाऱ्या अल्पवयीन मुलांसाठी आता पालक जबाबदार राहणार असून पोलिस आता पालकांविरोधात तक्रार दाखल करणार आहेत.
सिंहगड रोड पोलिस ठाण्यातही अशा तक्रारी दाखल झाल्या आहेत. तुकाई नगर सर्कल ते सिंहगड कॉलेज रोड दरम्यान वाहतूक तपासणी दरम्यान 2 अल्पवयीन मुले मोटारसायकल चालवताना आढळून आली. या कारवाईनंतर प्रादेशिक परिवहन अधिकाऱ्यांनी मोटार वाहन कायद्यानुसार अल्पवयीन मुलांना वाहन चालविण्याचा परवाना न देण्याबाबत माहिती दिली.
तसेच मोटार वाहन कायद्यांतर्गत जप्त केलेल्या वाहनांचे परमिट एक वर्षाच्या कालावधीसाठी रद्द करावेत, अशी पत्रेही प्रादेशिक परिवहन अधिकाऱ्यांना पाठवण्यात आली आहेत. याचबरोबर, पोलिस उपायुक्त संभाजी कदम यांनी दिलेल्या आदेशानुसार तुकाई नगर सर्कल आणि सिंहगड कॉलेज रोडवर नाकाबंदी लागू करण्यात आली आहे.
नाकाबंदीदरम्यान 2 अल्पवयीन मुले मोटारसायकलवरून फिरताना आढळून आली. अल्पवयीन मुले परवान्याशिवाय वाहन चालवताना आढळून आल्याने त्यांचे पालक आणि वाहनधारकांविरुद्ध तक्रार दाखल करण्यात आली. तसेच या अल्पवयीन मुलांना त्यांच्या पालकांनी चालवण्यासाठी वाहने दिल्याचीही माहिती आहे. याप्रकरणी पोलीस उपनिरीक्षक श्रावण शेवाळे यांनी फिर्याद दिली आहे.
त्यानुसार मोटार वाहन कायद्याच्या कलम 35, 199 अंतर्गत एफआयआर नोंदवण्यात आला आहे. ही वाहने जप्त करण्यात आली आहेत. त्यामुळे पालकांनी आपल्या अल्पवयीन मुलांना वैध ड्रायव्हिंग लायसन्सशिवाय वाहने चालवू देऊ नयेत. ही कारवाई सिंहगड रोड पोलिस ठाण्याचे वरिष्ठ निरीक्षक विजय कुंभार, पोलिस उपनिरीक्षक सुरेश जायभाये, पोलिस कॉन्स्टेबल श्रावण शेवाळे, दीपक गबदुल, होमगार्ड सोनवणे यांनी केली.
