धक्कादायक घटना!! पुण्यातील कंपनीच्या कॅन्टीनमधील समोशामध्ये कंडोम, दगड, गुटख्याची होतेय भेसळ..

पुण्यातील एका कंपनीत दिल्या जाणाऱ्या समोशामध्ये दगड, गुटखा आणि अगदी कंडोम यांसारख्या त्रासदायक वस्तू आढळून आल्याचा धक्कादायक घटना घडली आहे. दरम्यान, पुण्यातील एका प्रख्यात ऑटोमोबाईल फर्ममध्ये एका धक्कादायक घटनेत कंपनीच्या कॅन्टीनमध्ये दिल्या जाणाऱ्या समोस्यांमध्ये कंडोम, दगड आणि तंबाखू यांसारख्या गोष्टी आढळून आल्या आहेत.

ही धक्कादायक घटना पुण्यातील पिंपरी-चिंचवड येथील कंपनीत घडली आणि 27 मार्च रोजी उघडकीस आली. कर्मचाऱ्यांनी त्यांच्या जेवणात दगड, गुटखा आणि अगदी कंडोम आढळून आल्याने चौकशी करण्यात आली. पोलीस या प्रकरणाचा तपास करत आहेत आणि समोसे पुरवठा करणाऱ्या उपकंत्राटदार फर्मच्या 2 कामगारांसह आणि भेसळीसाठी आधी काढून टाकलेल्या दुसऱ्या फर्मच्या 3 भागीदारांसह 5 जणांवर गुन्हा दाखल केला आला असल्याचे सांगितले जात आहे.

ANI मधील एका वृत्तानुसार, ऑटोमोबाईल कंपनीसोबतचा करार संपुष्टात आल्यानंतर बदला घेण्यासाठी एका व्यावसायिकाने हे कृत्य केले असल्याचे सांगितले जात आहे. पोलिसांच्या म्हणण्यानुसार, समोसा कंत्राट असलेल्या फर्मची बदनामी होऊ नये यासाठी तिन्ही भागीदारांनी एकूणच कृतीची योजना आखली असल्याचे सांगितले जात आहे.

तसेच पोलिसांनी पुढे नमूद केले की, कॅटॅलिस्ट सर्व्हिस सोल्युशन्स प्रा. लि. कंपनीच्या कॅन्टीनमध्ये नाश्ता पुरवण्याची जबाबदारी होती. मात्र, त्यांची बदली करून हे कंत्राट मनोहर एंटरप्राइज नावाच्या दुसऱ्या उपकंत्राटदार फर्मला देण्यात आले. पोलिसांच्या चौकशी दरम्यान, फिरोज शेख आणि विकी शेख या 2 कामगारांनी समोस्यांमध्ये कंडोम, गुटखा आणि दगड भरल्याची कबुली दिली असून त्यांनी देखील कबूल केले की ते SRA एंटरप्रायझेसचे कर्मचारी होते आणि त्यांच्या भागीदारांनी मनोहर एंटरप्रायझेसला अन्न भेसळ करण्यासाठी पाठवले होते.

तसेच सध्या, IPC कलम 328 ज्यामध्ये विषाद्वारे दुखापत करणे तसेच 120B ज्यामध्ये गुन्हेगारी कट अंतर्गत गुन्हा दाखल करण्यात आला आहे. तसेच उल्लेखनीय म्हणजे, कंपन्या किंवा शैक्षणिक संस्थांमधील कॅन्टीनमध्ये अस्वच्छ अन्न दिल्याच्या अनेक घटना घडल्या आहेत. तत्पूर्वी, या वर्षी आणखी एका चिंताजनक घटनेत, उत्तर प्रदेशातील एका महाविद्यालयातील सुमारे 20 शिक्षकांना स्थानिक मिठाईच्या दुकानातून कृमी-ग्रस्त समोसे खाल्ल्यानंतर रुग्णालयात दाखल करण्यात आले होते.

तपासात हे समोसे शिळे असून त्यात विषारी अळी असल्याचे समोर आले होते. यापूर्वी जुलै 2023 मध्ये, चंदीगडच्या सरकारी मल्टी-स्पेशालिस्ट हॉस्पिटलमधील यूटी रेडक्रॉस कॅन्टीनमध्ये दिल्या जाणाऱ्या डोसामध्ये किडा आढळल्यानंतर एका ग्राहकाने अन्न सुरक्षा विभागाकडे तक्रार केली होती. पूजा नावाच्या ग्राहकाने अन्न सुरक्षा अधिकाऱ्याकडे लेखी तक्रार केली आणि घटनेचा तपशील शेअर केला. नंतर कँटीन ठेकेदाराने असा आरोप केला की, आधीच्या कंत्राटदाराचे कर्मचारी जाणून बुजून अशा कारवाया करून अडचणी निर्माण करत आहेत.