T-20 वर्ल्डकप नंतर IPL 2023 च्या मिनी लिलावाची तारीख जाहीर करण्यात आली आहे. हा लिलाव 23 डिसेंबर रोजी कोची येथे होणार असून त्याच वेळी सर्व संघांना या कालावधीत अतिरिक्त 5 कोटी रुपये खर्च करण्याचे स्वातंत्र्य मिळेल आहे. तसेच सर्वात महत्त्वाचे सर्व संघांना पर्समध्ये आणखी 5 कोटी रुपये आले आहे. म्हणजे संघाच्या पर्समध्ये 90 ऐवजी 95 कोटी रुपये असतील.
दरम्यान, जरी यावेळी गेल्या वेळेसारखा मोठा लिलाव होणार नाही, पण अनेक खेळाडू श्रीमंत होऊ शकतात. सर्व फ्रँचायझींनी 15 नोव्हेंबरपर्यंत खेळाडूंची यादी सादर केली आहे. डिसेंबरच्या पहिल्या आठवड्यात लिलावासाठी खेळाडूंचा पूल तयार होऊ शकतो. कारण सूत्रानुसार, इंग्लंड संघातील अष्टपैलू खेळाडू बेन स्टोक्स त्याचे नाव लिलावासाठी ठेवणार आहे.
तो शेवटचा आयपीएल 2021 मध्ये राजस्थान रॉयल्सकडून खेळला होता. फ्रँचायझीसाठी गेल्या सामन्यात तो शून्यावर बाद झाला होता. 2022 च्या आयपीएलमध्ये तो सहभागी झाला नव्हता. स्टोक्सने यापूर्वी चांगला खेळ दाखवला आहे. तो कसोटीत इंग्लंडचा कर्णधार आणि T20-ODI मध्ये महत्त्वाचा खेळाडू आहे. टी-20 विश्वचषकाच्या अंतिम सामन्यात त्याने पाकिस्तानविरुद्ध शानदार अर्धशतक झळकावले होते. अनेक फ्रँचायझी त्याच्याकडे डोळे लावून बसतील. तो या लिलावाचा सर्वात महागडा खेळाडू बनू शकतो.
याशिवाय, इंग्लंडला टी-२० वर्ल्ड कपमध्ये चॅम्पियन बनवण्यात सॅम करणचे मोठे योगदान आहे. त्याने या स्पर्धेत 13 विकेट घेतल्या. त्याला टूर्नामेंटचा सर्वोत्तम खेळाडू म्हणून गौरवण्यात आले. सॅम करण दुखापतीमुळे गेल्या आयपीएल मोसमात खेळू शकला नव्हता. करण आयपीएल 2021 मध्ये चेन्नई सुपर किंग्जकडून खेळला. त्याने 2019 मध्ये पंजाब किंग्जकडून आयपीएलमध्ये पदार्पण केले आणि त्यानंतर त्याला CSK ने 5.5 कोटींमध्ये घेतले. तो CSK येथे MS धोनीच्या नेतृत्वाखाली क्रिकेटपटू म्हणून विकसित झाला.
सीएसकेसाठी 23 सामन्यांमध्ये त्याने 23 विकेट घेतल्या आणि फ्रँचायझीसाठी 250 हून अधिक धावा केल्या. उत्कृष्ट फॉर्ममध्ये धावणाऱ्या करणला खरेदी करण्यासाठी अनेक संघांमध्ये स्पर्धा होणार आहे. 23 वर्षीय कॅमेरून ग्रीन 2023 मध्ये आयपीएलमध्ये पदार्पण करणार आहे. आतापर्यंत त्याच्या छोट्या आंतरराष्ट्रीय कारकिर्दीत त्याने 14 कसोटी, 13 एकदिवसीय आणि 8 टी-20 सामने खेळले आहेत.
या वर्षाच्या सुरुवातीला पाकिस्तानविरुद्धच्या मालिकेतून त्याने टी-20 मध्ये पदार्पण केले. मात्र, टी-20 विश्वचषकापूर्वी भारताविरुद्धच्या मालिकेत ग्रीनने दमदार कामगिरी केली होती. पहिल्या दोन टी-20मध्ये त्याने सलग दोन अर्धशतके झळकावली.
या दोन खेळींनी क्रिकेटपटू म्हणून त्याची क्षमता आणि पराक्रम दाखवला. अष्टपैलू असण्यासोबतच तो एक उपयुक्त गोलंदाजही आहे. अनेक फ्रँचायझी दर्जेदार अष्टपैलू खेळाडूंच्या शोधात आहेत. अशा स्थितीत लिलावात ग्रीनला मोठी रक्कम मिळू शकते.
जाहिरात
तसेच या लिलावर सर्वांत धक्कादायक म्हणजे, अनपेक्षित प्रमाणे इंग्लंडचा आदिल रशीद हा सुद्धा चांगली किंमत मोजावी लागू शकते असा अंदाज वर्तवली जात आहे. कारण सध्याच्या काळातील सर्वोत्तम लेगस्पिनरपैकी एक आहे. नुकताच इंग्लंडच्या विश्वचषक विजयात त्याचा मोठा वाटा आहे. रशीदने पाकिस्तानविरुद्धच्या अंतिम सामन्यात 22 धावांत दोन बळी घेतले होते.
त्याने यावर्षी 22 टी-20 सामन्यात 19 विकेट घेतल्या आहेत. विश्वचषकात त्याने जास्त विकेट घेतल्या नाहीत पण आर्थिकदृष्ट्या गोलंदाजी केली. आयपीएलमधील प्रत्येक संघ चांगल्या लेगस्पिनर्सच्या शोधात असेल. ऐतिहासिकदृष्ट्या त्यांच्या फिरकीपटूंवर अवलंबून असलेल्या CSK आणि KKR सारख्या संघांना त्यांना त्यांच्या संघात घ्यायला आवडेल.
तसेच न्यूझीलंडचा कर्णधार केन विल्यमसनला आयपीएल 2023 मिनी-लिलावापूर्वी सनरायझर्स हैदराबादने सोडले आहे. हैदराबादने त्याला सोडल्यानंतर अनेक फ्रँचायझी त्याच्या शोधात असतील. विल्यमसन हा आयपीएलमधील सर्वोत्तम खेळाडूंपैकी एक आहे, त्याने लीगमधील 75 डावांमध्ये 2000 हून अधिक धावा केल्या आहेत. त्याने या स्पर्धेत आतापर्यंत 18 अर्धशतके झळकावली आहेत.
लीगमध्ये पॉवर हिटर्सची गरज असताना, त्याच्यासारख्या फलंदाजांनाही जागा आहे, जो डावही सांभाळू शकतो. कर्णधारपद हा त्याच्या खेळाचा आणखी एक पैलू आहे. त्याची क्षमता पाहता काही फ्रँचायझींनी त्याला मेगा लिलावात विकत घ्यावे.
