भारतीय क्रिकेटचा मुख्य निवडकर्ता होण्याची शर्यत आता अधिकच रंजक बनली आहे. बीसीसीआयने हकालपट्टी केलेल्या जुन्या समितीचे मुख्य निवडकर्ता चेतन शर्मा यांनी पुन्हा या पदासाठी अर्ज केला आहे. त्याच्याशिवाय हरविंदर सिंगनेही पुन्हा निवडकर्ता होण्यासाठी अर्ज केला आहे. हरविंदर हे यापूर्वीच्या समितीचे सदस्यही होते.
ऑस्ट्रेलियाने आयोजित केलेल्या T20 विश्वचषक-2022 मध्ये भारतीय संघ उपांत्य फेरीतून बाहेर पडल्यानंतर वरिष्ठ निवड समिती बरखास्त करण्यात आली.
दरम्यान, T-20 विश्वचषक-2022 च्या उपांत्य फेरीत भारताला इंग्लंडविरुद्ध पराभवाला सामोरे जावे लागले. त्या पराभवाने रोहित शर्माच्या नेतृत्वाखालील संघाचा जागतिक स्पर्धेतील प्रवास संपला.
त्यानंतरच भारतीय क्रिकेट नियामक मंडळाने कठोर कारवाई केली. बोर्डाने वरिष्ठ निवड समिती बरखास्त केली. आता पुन्हा या समितीची पदे भरण्यासाठी अर्ज मागविण्यात आले आहेत. विशेष म्हणजे माजी मुख्य निवडकर्त्याने पुन्हा एकदा निवड समितीचे प्रमुख होण्यासाठी अर्ज केला आहे.
भारतीय क्रिकेट नियामक मंडळाने टीम इंडियाच्या मुख्य निवडकर्त्यासाठी अर्ज मागवले होते. आतापर्यंत 60 हून अधिक अर्ज मंडळाकडे आले आहेत. या यादीत अनेक दिग्गजांच्या नावांचाही समावेश आहे. अजित आगरकर, व्यंकटेश प्रसाद, नयन मोंगिया यांसारखे अनेक माजी क्रिकेटपटूही या शर्यतीचा भाग असल्याचे सांगितले जाते.
पण या सगळ्यात नुकतेच या पदावरून हटवण्यात आलेल्या चेतन शर्माने पुन्हा मुख्य निवडकर्ता पदासाठी अर्ज भरण्यास सुरुवात केल्याची बातमी समोर आली आहे. तसेच सहसा टीम इंडियाच्या वरिष्ठ निवडकर्त्याचा कार्यकाळ 4 वर्षांचा असतो. यावेळी बोलताना मिळालेल्या माहितीनुसार, बोर्ड 5 सदस्यांची निवड समिती निवडणार असून, ज्याचा कार्यकाळ 5 वर्षांचा असेल.
या समितीतील वरिष्ठ किंवा अधिक अनुभवी सदस्य आपोआप मुख्य निवडकर्ता बनतील. मुख्य निवडकर्त्याची शर्यत रोचक ठरली असता सध्या टीम इंडियाच्या नवीन मुख्य निवडकर्त्याच्या शर्यतीत अजित आगरकर पुढे असल्याचे आतापर्यंत बोलले जात होते.
मात्र बुधवारी काही मीडिया रिपोर्ट्समध्ये व्यंकटेश प्रसाद यांचेही नाव येऊ लागले. या शर्यतीत नयन मोंगिया आणि लक्ष्मण शिवा रामकृष्णन यांचाही सहभाग होता. आता चेतन शर्माने पुन्हा अर्ज केल्यानंतर ही शर्यत अधिकच रंजक होताना दिसत आहे. मात्र, चेतन शर्मा यांच्या अध्यक्षतेखालील निवड समितीवर यापूर्वी अनेक प्रश्न उपस्थित झाले आहेत.
बांगलादेश दौऱ्यासाठी त्याने निवडलेल्या संघावर अजूनही प्रश्न उपस्थित केले जात आहेत. या स्थितीत बोर्ड त्याला पुन्हा संधी देते की नाही हे पाहावे लागेल. तर दुसरीकडे, मुख्य निवडकर्त्याच्या पदासाठी महत्त्वाच्या गोष्टींकडे लक्ष दिल्यास, अर्जदारांना अनेक अटी पूर्ण कराव्या लागतात. या पदासाठी जो कोणी अर्ज करत आहे दरम्यान, सूत्रांच्या माहितीनुसार, BCCI ला आतापर्यंत चेतन आणि हरविंदरसह 60 हून अधिक अर्ज प्राप्त झाल्याचे अहवालात म्हटले आहे.
तसेच अजित आगरकर आणि नयन मोंगिया हे दिग्गज क्रिकेटपटूही निवडक होण्याच्या शर्यतीत सामील आहेत. त्यांच्याशिवाय लक्ष्मण शिवरामकृष्णन आणि सलील अंकोला यांनीही या विशेष समितीसाठी अर्ज केले आहेत. सुनील जोशी आणि देबाशिष मोहंती हेही आधीच्या समितीत होते, त्यांनी पुन्हा अर्ज केला नाही. समितीमध्ये निवडून येणाऱ्या पाच सदस्यांपैकी जो अनुभवाच्या दृष्टीने ज्येष्ठ असेल तो आपोआप मुख्य निवडकर्ता होईल.
