सध्या सगळीकडे IPL 2023 च्या लिलावाच्या चर्चा होतांना दिसून येत आहे. तसेच इंग्लंडला टी-20 विश्वचषक जिंकून देणारे स्टार अष्टपैलू बेन स्टोक्स आणि सॅम करण यांनी या आधारभूत किमतीत आपली नावे दिली आहेत.
तसेच आयपीएलच्या पुढील हंगामासाठी खेळाडूंचा लिलाव 23 डिसेंबर रोजी कोची येथे होणार आहे. गतवेळइतका मोठा नसेल, तरीही 991 खेळाडूंनी नोंदणी केली आहे. तसेच त्यापैकी सर्वाधिक 714 क्रिकेटपटू भारतात आहेत.
फ्रँचायझी 9 डिसेंबरपर्यंत या यादीतील खेळाडूंची निवड करतील आणि नंतर लिलावात त्यांच्यावर बोली लावतील. 10 संघांसह केवळ 87 जागा रिक्त आहेत. याचबरोबर, वेगवेगळ्या आधारभूत किमतींमध्ये खेळाडूंनी त्यांची नावे दिली. दोन कोटींच्या मूळ किमतीत एकही भारतीय खेळाडू नाही.
यामध्ये एकूण 21 क्रिकेटपटूंचा सहभाग आहे. इंग्लंडला टी-20 विश्वचषक जिंकून देणारे स्टार अष्टपैलू बेन स्टोक्स आणि सॅम करण यांनी या आधारभूत किमतीत आपली नावे दिली आहेत.
स्टोक्स आणि सॅम करन यांच्या व्यतिरिक्त ऑस्ट्रेलियन अष्टपैलू कॅमेरून ग्रीन, न्यूझीलंडचा कर्णधार केन विल्यमसन आणि वेस्ट इंडिजचा माजी कर्णधार निकोलस पूरन हेही टॉप बेस प्राईसमध्ये आहेत.
तसेच मयंक अग्रवाल आणि अजिंक्य रहाणेसह या भारतीय दिग्गजांमध्ये 19 कॅप्ड भारतीयांच्या यादीत प्रामुख्याने अजिंक्य रहाणे, इशांत शर्मा आणि मयंक अग्रवाल यांच्यासह राष्ट्रीय खेळाडूंचा समावेश आहे.
याचबरोबर, रहाणेला कोलकाता नाईट रायडर्सने गेल्या लिलावात एक कोटींना विकत घेतले होते. यावेळी त्याची मूळ किंमत 50 लाख आहे. 2022 मध्ये न विकल्या गेलेल्या इशांत शर्माने 75 लाखांच्या यादीत आपले नाव दिले आहे.
गेल्या मोसमात मयंक अग्रवाल पंजाब किंग्जचा कर्णधार होता. फ्रँचायझीने त्याला 14 कोटी रुपयांमध्ये कायम ठेवले होते. यावेळी त्याला संघातून वगळण्यात आले. अग्रवाल यांची मूळ किंमत 1 कोटी आहे.
तसेच डावखुरा वेगवान गोलंदाज जयदेव उनाडकटने त्याची मूळ किंमत 50 लाख ठेवली आहे. आयपीएल लिलावात तो सर्वाधिक कमाई करणाऱ्या खेळाडूंपैकी एक ठरला आहे. उनाडकट सध्या उत्कृष्ट फॉर्ममध्ये आहे. त्याने विजय हजारे ट्रॉफीमध्ये सौराष्ट्रला विजय मिळवून दिला आहे. त्याला अखेरचे मुंबई इंडियन्सने 1.3 कोटी रुपयांना विकत घेतले होते. यावेळी मुंबईने त्याला बाद केले.
याशिवाय, चेन्नई सुपर किंग्जचा अनुभवी अष्टपैलू खेळाडू ड्वेन ब्राव्हो याने लिलावासाठी आपले नाव दिले नाही. त्याने आयपीएलमधून निवृत्ती घेतली आहे. ब्राव्होची पुढील हंगामासाठी चेन्नई सुपर किंग्जच्या गोलंदाजी प्रशिक्षकपदी नियुक्ती करण्यात आली आहे. ब्राव्हो हा तीन वेळा आयपीएल जिंकणारा खेळाडू आहे. या स्पर्धेत त्याच्या नावावर सर्वाधिक 183 विकेट आहेत.
महेंद्रसिंग धोनीच्या संघाने त्याला 2011 मध्ये विकत घेतले आणि 2022 पर्यंत त्याला कायम ठेवले. तसेच ब्राव्हो व्यतिरिक्त, ज्या मोठ्या खेळाडूंनी त्यांची नावे दिली नाहीत ते स्टीव्ह स्मिथ आणि मार्नस लॅबुशॅग्ने आहेत. गेल्या वेळी लिलावात दोघांनाही कोणी विकत घेतले नव्हते. पुढील वर्षी 16 जूनपासून ऍशेसला सुरुवात होणार आहे. स्मिथ आणि लबुशेन यांना त्यांचे लक्ष त्याच्यावर केंद्रित करायचे आहे.
लिलावात त्याची अनुपस्थिती आश्चर्यकारक नाही. स्मिथच्या आधी ऑस्ट्रेलियाचा कसोटी आणि एकदिवसीय कर्णधार पॅट कमिन्सनेही आपले नाव मागे घेतले आहे.
